Am Hauptbahof Schtuagrt do geits ganz viel Platz,
Wenn d Schiene do weg send dann isch des en Schatz.
Dia Gleis dia vrgrabt mr in Bode diaf nai,
Des Grundstick vrkauft mr, des Geld schdeckt mr ai.
Der Umbau mit Bedoo ond Eisa isch deier,
Des zahlt mr ganz oifach mit Schulda ond Schdeier.
Ond Geldsäck kassiered ond s'Volk steggt im Dreck,
Bloß d'Eisebah fehrt a Minut friaher weg.
Ond des isch, so saged se, nedich ond wichdich,
I glaub do send welche em Kopf id ganz richdich.
Em schwätze ond liage do sen welche fix,
Weil wenns om viel Geld goht, do kenned dia nix.
Ja wer soll endscheide des was wo bassiert,
besser dia wo des zahled oder der wo kassiert?
S wird Zeit dass dr Birger endscheided was lauft,
sonsch wird mr von oba vrroda, vrkaufd!